انا السواح

انا السواح
انا اللى ماعمره يوم ارتاح
انا الصداح
وصدحى مش غنا ده جراح
انا هو
واهة قلبى من جوة
انا هو
وواقف بس مش قوة
انا واقف حلاوة روح
وراحتى شىء
ماهوش مسموح
انا المدبوح
لسه عايزة منى شروح
انا هو
انا اللى مادقش يوم افراح
انا السواح
انا البهلول وانا الدرويش
ومتغطى بتوبى الخيش
يعنى مافيش
ولو فرحة تكون بقشيش
وارضى بلقمتى لو حاف
لكنى بخاف
انا هو
انا هو اللى لف وشاف
وعارف عمرى مش محسوب
وعارف كفنى مش بيجيوب
ولو موتى صحيح مطلوب
بطلقة او برمى الطوب
فيه عندى كلام
حاتفضل تذكره الايام
وتفضل تكتبة الاقلام
ومش حاسال ساعتها بكام
لانى حاموت
ولا حايكونلى روح ولا صوت
حاكون فى تابوت
ماتفرقش فلوس وبيوت
واتوب لله وراجى سماح
انا السواح
يا أم فى قسوتك بحتار
ومين منا لامه اختار
بجد وربى مش بهزار
ومش بادية غير اشعار
ولا عندى حديد ولا نار
فى ورقى بارص بس حروف
وخايف اقول على المكشوف
وعلمت لكلامى الخوف
مانيش مكسوف
ما اصل الخوف مافيهش كبار
عرفناه حتى واحنا صغار
ورغم انى من الشطار
مانيش مكار
ومن يومى باصون العيش
مانيش طماع ولا هبيش
ولا كيفى كمان تحويش
ده قش وخيش
حجمه كبير لكنه مافيش
ومن طيبتى بقيت درويش
ومرغوم انى بارضه اعيش
وماحلتيش
اسيب الدنيا انا وارتاح
وانهى رحلة السواح
انا السواح
#محمد_وفيق_الشطى

حابكيكى

انا اسف حابكيكى
كلامى مش حايرضيكى
كلام الصدق لو يوجع
اطبة كتير تداويكى
عشان خاطرك سكت كتير
وجرحك لسه وجعه كبير
ولكن قولت حاتحمل
ولا حيلتى غير التفكير
كتبت زمان انا خايف
وكنت بعينى انا شايف
وقلت بقلبى حسينى
علشان مانطقش بشفايف
صعبتى عليه قلت ارجع
وايه يعنى الجراح توجع
علشان بكرة يكون اجمل
حاصبر مهما حاتوجع
وقلت اكيد انا مجنون
مافيه على الارض كام مليون
اكيد عايشين ومش فارقة
عشان القرش كله يهون
قولى بجد مين صاحبك
ومين من قلبه بيحبك
وصان العشرة والايام
وراعى فى عشرته ربك
#محمد_وفيق_الشطى

1/2 كلمة من جديد ....32 مرشح اتعملهم توكيلات !!!!

د/محمد الشطى

رجالتنا اللى تفرح لقينا 32 مرشح فى قاعدة البيانات بتاعة الشهر العقارى ...ايه بتقول ايه ...طب من ضمنهم حسنى مبارك ...وبعدين ايه الجمال دول دول كلهم رؤساء ومافيش غير واحد بيلعب فى الوق الضايع لو كنتوا قلتولى كنت روحت الجيم وجهزت نفسى وبقيت رقم 32 بدل ما تانر امين يقولك 32 رقم نحس زى 13 وبعدين يا عممش انا احسن من رلراجل اللى بيقول انه تولد يبقى ؤئيس ورفض يكون نائب للرئيس مبارك ولا التانى بتاع الخطة لدخول اى دولة فى 12 دقيقة وبعدين موسى مصطفى موسى ازاى تكون مايد الريس وتترشح قدامه والله انا اتجننت خلاص وقريب حاكتب لكم رقم غرفتى فى مستشفى الامراض النفسية والعصبي ..ابقوا زورونى وجوابات وسجاير وكده ....ربنا يسترها .

اول بلاغ للنائب العام ضد مرشح الرئاسة موسى مصطفى موسى

تقدم الدكتور امين ابو كيفه استاذ جراحة الاطفال بطب الازهر ببلاغ للنائب العام ضد مرشح الرئاسة موسى مصطفى موسى الذى قدم اوراق ترشحه فى الدقائق الاخيرة قبل اغلاق باب الترشح جاء ذلك من خلال حساب الدكتور امين على موقع التواصل الاجتماعى فيسبوك اتهمه بالتسبب فى اهدار المال العام حيث انه يخوض الانتخابات بلا اية شعبية او قاعدة جماهيرية مما يدفع اللجنة لاجراء الانتخابات بدلا من ان يكون فوز الرئيس السيسى بالتزكية واعتبر الدكتور هذا التصرف تمثيلية هزلية سخيفة وختممنشوره بكلمة اللهم انتقم من كل ظالم

1/2 كلمة من جديد…المولد انفض

دكتور :- محمد الشطى

جاء مولد الامام الحسين بن على رضى الله عنه وكرم وجه ابيه وصلى الله وسلم على جده المصطفى وككل عام تاتى الناس من كل فج عميق واتعجب من نومهم فى الطرقات بالايام والليال فى البرد  والمطر لا يفصلهم عن كل هذا الا خيمة بالية تدخل الهواء اكثر مما تمنعه والمصيبة او الطامة الكبرى فى مكبرات الصوت التى تظل ليومين متواصلين باعلى ما يمكن لها لتصم اذان المستمعين جميعا ولتصبح الايام الخاصة بالمولد ايام معاناة لسكان المنطقة الذين يعانون من الزحام والصداع ومن اجل ماذا لا ادرى هل يرضى الامام الحسين ما يحدث  من بدع على الارض مستغلين فيها يوم مولده والنساء والرجال فى زحام شديد اعتقد ان الامام لا يرضيه ما يحدث هل ذكر الله سبحانه لا يجوز الا فى الموالد وبمكبرتالصوت حتى انك لا تعلم ماذا يقول المنشد من كثرة الضوضاء … وكما قيل قبل ذلك فى احد الافلام المصرية للنجم عمرو عبد الجليل جاءوا ليشاهدوننا هل مازلنا (نفقر) ولا بدانا (نفكر)….وربنا يسترها

1/2 كلمة من جديد

دكتور :- محمد الشطى

تغيرنا جميعا ...تغيرت القلوب وتبدلت المشاعر وتاهت الطيبة وسط زحام الحياة فاصبح المهم لدى كل شخص ان يحقق مصلحته بغض النظر عن الضرر الواقع على غيره حتى الاقارب منهم من يبتسم فى وجهك وقلبه ملىء بالحقد والغل .. كل ما يحدث فى مصر الان سببه قلوبنا ..تغيرنا للاسواء فرجعنا للخلف وتدور السنين وكل سنة نتاخر عن التى قبلها ربنا يسترها علينا ونخرج منها على خير.وربنا يسترها

1/2 كلمة من جديد ..اعدام اعدام ..واخرتها

دكتور محمد الشطى

لا اعقب على احكام القضاء ولكن الاعدام تزايدت وتيرته فنجد واحد تلاه اخر وبعده 15 ثم 4 … يا جماعة عزامالجاسوس خد حكم حبس وطبعا نقيب المحامين لم  بجدد للزملائه الا بعد تحول الى موظف بشعار فوت علينا بكة وبالتلى الدفاع عمل ما يستطيع عمله  وفى الوقت الذى يسعى فيه العالم لالغاء الاعدام نقدمه نحن باغداد كبيرة هلى نحن فى حاجة الى صحوة ضمر ام صحوة رجال القانون ضد نقيب يعمل على تفريغ النقابة من رموزها …ربنا يسترها