تعليم الكبار مغلق للتحسينات

د.محمد الشطى

قالوا هيئة تعليم الكبار بتصرف للمتطوع لتعليم الاميون مبلغ 150 جنيها لكل ناجح بعد 3 شهور وبتطبع الكتب وكل حاجة قلنا برافوجهد مشكور لحد ما جه الدكتور قمر وقال مافيش فلوس اللى عايز يتطوع ببلاش يا اما خلاص مش عايزين طب الكتب لا مافيش كتب طب اللى نجح شهاداته فين ماعلش مافيش بلاستيك فانا باقترح على الدكتور قمر يكتب على الهيئة مغلق الان لعدم وجود تعليم يعنى الشباب اللى كانت بتفتح فصول علشان تاكل عيش خلاص منعتهم والله سياسة زى الفل يا دكتور وفى انتظار قفل الهيئة ان شاء الله همتك بقى …وربنا يسترها

الانفراد بين حساسين واديب

محمد الشطى

ماحدش فاهم حاجة ح

تى فى البرامج اللى فى التليفزيون افتح العاصمة الاقى انفراد مع سعيد حساسين اقلب على الحياة الاقى انفراد مع عماد اديب طب هو مين فيهم اللى انفراد بجد ومين اللى مش انفراد ولا احنا مش قادرين نتعب نفسنا فى اسم جديد فناخد اى اسم وخلاص ومايهمش بتاع مين وبما ان الناس اصلا مش فاهمة اى حاجة فعادى كله عند العرب صابون اهو المشاهد يولع سيجارة ويقعد وخلاص …يلهوى طب ده السجاير غليت ده الواحد يولع صباع كفتة ارخص لان صباع الكفته حايصب فى مصلحة المواطن ماتبطلوها بقى بلاش قلة ادب شعب مش عارف يتحكم صح ..ربنا يسترها