حابكيكى

دكتور محمد وفيق الشطى

انا اسف حابكيكى
كلامى مش حايرضيكى
كلام الصدق لو يوجع
اطبة كتير تداويكى
عشان خاطرك سكت كتير
وجرحك لسه وجعه كبير
ولكن قولت حاتحمل
ولا حيلتى غير التفكير
كتبت زمان انا خايف
وكنت بعينى انا شايف
وقلت بقلبى حسينى
علشان مانطقش بشفايف
صعبتى عليه قلت ارجع
وايه يعنى الجراح توجع
علشان بكرة يكون اجمل
حاصبر مهما حاتوجع
وقلت اكيد انا مجنون
مافيه على الارض كام مليون
اكيد عايشين ومش فارقة
عشان القرش كله يهون
قولى بجد مين صاحبك
ومين من قلبه بيحبك
وصان العشرة والايام
وراعى فى عشرته ربك
#محمد_وفيق_الشطى

https://www.facebook.com/mohamed.wafik.elshaty/