دكتور محمد وفيق الشطى
ايوه انا
اللى حلمت فى يوم ادوق
طعم الهنا
ايوة انا
اللى نسيت بالضنا
طعم الهنا
ياما ندهتك وقلت فينك
حطى كده عينى فى عينك
ولو قدرتى تبصى فيهم
حاولى تلاقى معاكى سنينك
البدر شكله سواد
عمرى ما شوفته كده
ويقول ما كله سواد
واسالوا القدس كده
يا عم انا اللى ياما
كتبت كتير وموالى
حاولت اشيل الغمامة
وحاحكى واقول على حالى
بس حالاقى حد راح يسمع
لناس يا دوب شعرهم تمثيل
شعر الفلوس عندهم
هو الفلوس والذى
احنا كتبنا بلاش
وقلمنا ماستناش
لا عمره حاسبه بكاك
وعمره ما كان نتاش
قدمت ياما حلول
وشرحى كان بيطول
رغم الكلام يوجع
واقول بكرة خلاص
حتاخد كلامى بجد
يصحى اللى نام فى سنين
ويفرد طريقه بورد
لكن لقيت الحلم
مردوم عليه بالطين
اظن يبقى الظلم
وحدى اشيل الطين
انا اسف مانيش شاعر
باعلن اهو قصاد عينك
ماعدش شعور ولا مشاعر
وحادعى ربنا يعينك
#محمد_وفيق_الشطى
ليست هناك تعليقات:
إرسال تعليق