اسمع كدة يا طبيب
وشوف في قلبي ايه
دق وخلاص ودبيب
ارجوك تقولي عليه
سمعت كلمه اه
عالية بتوجعني
ولقيت دبيبه حياه
ولا بيخدعني
لو مات صارحني خلاص
وارتاح وريحني
اصلي تعبت خلاص
من كتر ما جرحني
كل الكلام يوجعه
مش زي باقي الناس
ياما حاولت اخدعه
ومنه اشيل احساس
احساس بدمع البشر
رغم انه مش دمعه
كان نفسي يصبح حجر
والنَّاس تقيد شمعه
مش كل لحظة فرح
يقولي حد جعان
أقوله عيش المرح
يقول فلان بردان
فاكر في وجعه الغطا
وكلامه حد قاريه
فاكر كمان العطا
بالشعر راسي عليه
شاعر صحيح مجنون
والدنيا عنده خيال
طب موت منين ماتكون
اخرك ديوان ازجال
#محمد_وفيق_الشطي
وشوف في قلبي ايه
دق وخلاص ودبيب
ارجوك تقولي عليه
سمعت كلمه اه
عالية بتوجعني
ولقيت دبيبه حياه
ولا بيخدعني
لو مات صارحني خلاص
وارتاح وريحني
اصلي تعبت خلاص
من كتر ما جرحني
كل الكلام يوجعه
مش زي باقي الناس
ياما حاولت اخدعه
ومنه اشيل احساس
احساس بدمع البشر
رغم انه مش دمعه
كان نفسي يصبح حجر
والنَّاس تقيد شمعه
مش كل لحظة فرح
يقولي حد جعان
أقوله عيش المرح
يقول فلان بردان
فاكر في وجعه الغطا
وكلامه حد قاريه
فاكر كمان العطا
بالشعر راسي عليه
شاعر صحيح مجنون
والدنيا عنده خيال
طب موت منين ماتكون
اخرك ديوان ازجال
#محمد_وفيق_الشطي
