محمد وفيق الشطى
اسهل دمع دموع العين
واصعب دمعة تكون من
جوة
فرق كبير بين الاتنين
دمع القلب وجعه بقوة
دمع العين ينزل برخيص
ييجى بتراب او عفرة
اما القلب فحزنه غطيس
وناره بتبقى زى
الجمرة
واصعب شىء بيكون
احساسك
لما تحس ماحدش حسك
يفضل همك فوق على
راسك
وتفضل دايما كاتم حسك
حتى الاه مابقاش ليها
قيمة
ومش معناها انها
اوجاع
فيه اهات ياما كتير
فى المغنى
وفيه اهات للى اتعذب
جاع
بس اهى كل الناس فى
الاخر
سامعة وبس كلمة اه
واللى يقول الاه
وصابر
عنده تمللى ايمان
بالله
وفيه كمان اه صبحت
شغلانة
تكسب منها الف جنيه
اكتب يافطة مريض
بثانة
تلقى الكل يمد ادية
ليست هناك تعليقات:
إرسال تعليق