بقى معقولة الدم اتغير
حتى النيل بقى له
طعمين
ورغم الحلم بسيط وصغير
باعوا الحلم بإسم
الدين
صبح الدم يا مصر رخيص
ما بيصعبش خلاص ع
الناس
وزرع غيطانك لونه غطيس
ما بيضحكش لدق الفاس
مات الضحك خلاص فى
قلوبنا
فين يا اخوانا حلال
وحرام
شطب الدم حروف فى
كتوبنا
مابقاش باين اى كلام
اه يا قلوب باعت
ضمايرها
مابقاش فيها خلاص
احساس
شجرة خلاص ماتت
بشايرها
وتاه السطر من الكراس
والاطفال لبست اكفانها
علشان ناس مالهومش
امان
والايام طرحت احزانها
مابقاش فيها خلاص
انسان
ياللا يا مصر انا
وانتى حانبكى
على اشكال الغش ماليها
كنا زمان بنرق ونحكى
والاحلام ناخد باديها
صعبوا علينا زمان
وبكينا
لما ظلمهم كف الحاكم
كنا كمان بنمد ادينا
ونقثول لاء كفاية يا
ظالم
بس عرفنا خلاص حقيقتهم
ما بيصعبش عليهم حالنا
صوبوا لينا نار
مدافعهم
علشان ياخدوا حياتنا
ومالنا
جوة قلوبهم تلقى خيانة
باعوا الارض وباعوا الدم
حطوا يا ناس الخوف
جوانا
عشنا نهارنا وليلنا فى
هم
#محمد_وفيق_الشطى
محمد وفيق الشطى
ليست هناك تعليقات:
إرسال تعليق