محمد الشطى
اللى اتحرم من
حضن امه
يلقى فين ضمة
حنان
مين حايحمل عنه
همه
لما حايتوه
الامـــــان
تحسب الحسبة
لاخرها
اجمع اطرح ولا
تضرب
والاجابة ابقى
افتكرها
لما عقلك لحظة
يهرب
ترجم انت كل يوم
لما عاركة كبيره
دايرة
مرة طلق ومرة شوم
والغلابة بجد
حايرة
ابن يقتل ابوه
وامه
ولا اخ يخون اخوه
اللى دمه نفس دمه
والايمان بينهم
يتوه
شوف خناقة الشرطة
فيها
واقفة بتنظم مرور
تخلص العاركة
تلاقيها
جاية تثبت اى دور
مصر برضه هى هى
بس اولادها اللى
ضاعوا
ضهروا فيها
المفتريه
اللى وقت الشده
باعو
واحنا عايزين حضن
دافى
حضن منك انتى
يامه
حضنك انتى اصله
شافى
كل شىء يرجع بضمه
ليست هناك تعليقات:
إرسال تعليق