محمد الشطى
بعد ما كنتى الهامى
وكنتى انتى البشر والناس
شككتينى فى صيامى
وحسيت ان انا الوسواس
طيب حد يفتيلنا
يجوز صومنا وناس بتموت
سكوتنا خلاص حايقتلنا
بعد ما ضاع كمان الصوت
وكل شوية عملوا ميدان
مابين نهضة وبين تحرير
وتالتة فى ميدان لبنان
معادلة اخرها احنا حمير
اوباما قسم التورتة
وساب لادينا تقطيعها
وسابنا بدأنا بالشرطة
عشان ليهم نسلمها
عشان كرسى نموت بعض
جرالك ايه يا منصورة
امتى حلاقى منك رد
ونرجع تانى للصورة
ليست هناك تعليقات:
إرسال تعليق