كلمتين على الماشى ..

بقلم ايمن بحر

عندما يكون هناك تحليل عسكري فيجب ان نرجع للمتخصصين وليس الهبيدة محبي الثرثرة الفاضيةانتشر الايام الماضية بعض من الناس يوجهون انتقادات لاذعة للجيش المصري في تعامله مع الارهاب في سيناء دون معرفة اي شيء ولا عمرهم دخلوا جيش ولا عمرهم عرفوا حاجة عن العسكرية .

اولا : فين ظباطنا وجنودنا و الفرق الخاصة الي بنشوفها في الصور و التلفزيون مش موجودين ليه في سيناء ؟؟

- هو حضرتك الي قتل ٤٠٠٠ ارهابي حتي الان ودمر اطنان من مستودعات الذخيرة ومخازن السلاح واغلق الانفاق واقتحم جبل الحلال اكبر بؤرة ارهابية في الشرق الاوسط وقبض علي اكبر رؤوس قيادات الارهاب في العالم  ولا ايه .

ثانيا : اشمعنا الي بيموتوا هما العساكر الغلابة و المجندين واغلبهم من الفلاحين و الصعايدة ؟

- حضرتك شوفت الكشوف واطلعت عليها وعرفت كل شيء عشان كده بتتكلم ولا بتهبد باي كلام طيب عارف كام ظابط استشهد حتي الان وبرتب كبيرة جدا وصلت الي عمداء ولوءات وقيادة افرع ووحدات طيب عارف ان مفيش حادثة ارهابية حصلت ومكنشي علي رأس الشهداء هما الظباط والطبيعي ان المجندين و العساكر اكتر من الظباط ده امر طبيعي في كل جيوش الكرة الارضية .. والنقطة التانية يا ابو العريف الجيش المصري مكون من اهل مصر يعني جنود فلاحين علي صعايدة علي ناس من المدن علي مسلمين علي مسيحين مفيش فرق في الجيش بين الفلاح وابن المدينة الكلام ده تقوله في فرن العيش الي تحت بيتكم

ثالثا : هو فيه حد بيعمل اكمنة ثابتة ؟؟

- مش فاهم السؤال .. اصل ده ميطلعشي الا من حمار وهبيد كبير اوي فعلا مش فاهم حاجة .. الكمين الثابت ده هو سيطرتك علي الارض هو تواجدك الحقيقي هو الي مقسم الارض الي انت عليها لمناطق ومربعات يسهل السيطرة عليها ويسهل التحرك منها لمحيط مربعك المسئول عن حمايته وتأمينه ضد اي خطر ومفيش اي خطة امنية في الجيش او الشرطة في كل دول العالم لا تقوم علي فكرة الكمين الثابت لانك بدون هذا الكمين فقد سيطرتك تماما .. اما الاكمنة المتحركة متواجدة وباستمرار وكل يوم في منطقة وفي حي وفي قرية اما انك بتنتقد وانت قاعد علي السرير ومرحرح ومفخد ومروحتش سيناء ومش فاهم ايه الي بيحصل يبقي عيب منك مش مننا وتحط لسانك جوة بقك وتقعد ساكت

- قيادات الجيش مش موفر حماية لجنودنا في سيناء ؟؟

- طيران اف ١٦ و مروحيات اباتشي وكاموف ومدافع من جميع الاعيرة وافرع ووحدات كاملة من كافة الاسلحة من الجيش المصري ومش متوفر حماية .. هو انت مش واخد بالك ان دي حرب قائمة علي الخيانة و الغدر و الندالة .. انت متعرفشي انك مجبر انك تكون رد فعل وانت واقف مش عارف العربية الي داخلة عليك هتديك ازازة ماية عشان تفطر ولا هتفجرك عشان تموت انت عارف يعني ايه انك مش بتتعامل مع الارهابي الا بعد لما يتعاملوا معاك عشان تحافظ علي المدنين و عشان تحافظ علي ارواح اهالينا في سيناء .- اشمعنا لما يتعمل عملية الجيش المصري بيخرج بعدها ويجيب حق الشهداء ما كان من الاول يروحوا يضربوهم ويخلصوا عليهم ؟؟ ده سؤال بقي من واحد شبح مفكر نفسه مثقف وفاهم وهو بطيخة .. بص يا عم البطيخة الكلاب دول لما بيخرجوا زي ما قولتلك بيكونوا عاملين نفسهم نسوان او بدو من اهل سيناء و بيقعدوا في جحور تحت الارض او عشش في مزارع الزيتون او في شقق وسط السكان فبعد لما ينفذوا عمليتهم القذرة بيتم الاتي (( تتبع اثرهم + تفريغ الكاميرات بالكامل سواء للاهالي او الخاصة بالجيش و الشرطة + تتبع شكل السيارات و الاتجاهات التي دخلوا منها وخرجوا منها + تفريغ اجهزة التشويش و التصنت الالكتروني علي المنطقة التي حدثت فيها العملية )) في خلال ساعة بيكونوا حددوا مكان تواجدهم وتخرج وحدات الصاعقة مؤمنة بالطيران و المدفعية تعمل معاهم الجلاشة وترجع .. وانت عارف كام عملية بيتم احباطها قبل تنفيذها مش هقولك عشرات العمليات بل مئات العمليات التي احبطت قبل القيام بهاالجيش فشل في التعامل مع الارهاب في سيناء ؟

- طيب بص يا حبيبي داعش دي دخلت خدت العراق كلها ودخلت خدت سوريا ودخلت خدت ليبيا ودخلت اليمن نفذت عمليات في اكبر دول العالم دخلت عندك مصر بقيت محاصرة في شمال سيناء وقاعدين زي الفئران يطلع يعمل نفسة مرة و يزرع عبوة ناسفة في اي مكان .. يجيب عيل هلفوت ب ٣ جنيها ويعمله غسيل مخ ويخليه يسوق عربية ويفجر نفسه عشان يروح للحور العين او يعملوا نفسهم من اهل سيناء و داخلين علي كمين عادي ويطلعوا من العربية يضربوا وفي الاخر بيتقتلوا و بيداس عليهم و مفيش ارهابي عمل عملية وعاش بعدها في سيناء احنا قضينا علي ٩٥ ٪ من الارهاب انت في مصر مفيش علم اترفع علي منطقة مكونة من ٤ م × ٤ م في سيناء بالكامل يعني الناس دي فشلت تسيطر علي محل بقالة في سيناء الي مساحتها مساحة الكيان الصهيوني مع فلسطين مرتين يعني بحجم دول كاملة ..

انا اسف علي اللهجة الي اتكلمت بيها بس ده من حرقتي بصراحة علي جيش بلدي من شوية ناس ولا فاهمة ولا بتفهم ولا عايزة تفهم وبدل ما يكونوا حصن منيع لجيش وطنهم بيضربوا فيه بدون علم وبكل جهل .. حفظ الله جيش مصر و شعب مصر الواعي و المحب لوطنه وجيشه

القادم اجمل بإذن الله تعالى حفظ الله مصر وشعبها وجيشها العظيم..