محمد الشطى
صعب تئنى واشوفك واسكت
عمر ما عاشت امة انكسفت
سامع كل انين فى دموعك
بس حقيقى حروفى اتحبست
شوفت الدم وناس بتهلل
وانا هللت صحيح بس اهبل
زى ما ساقوا الكل ساقونى
سبت مكانى وروحت اطبل
بس شهور حسيت بغرابة
شوفت ساعتها ان احنا ف غابة
اللى بيقوا بينسى كلامه
ويبان لنا بوشوش كدابة
ياه لو كنتى سمعتى كلامى
لما لقيت الخوف قدامى
يومها صرخت وقلت انا خايف
بس ماقولتش اى اسامى
بس خلاص والله ما فارقة
كل ساعاتك صبحت فرقة
كله فى اخرة حتلقى نهاية
حتى العيشة صبحت شنقة
فوقى بجد دى مش احلام
وماهيش دين ولاهيش اسلام
فوقى دى لعبة كبيرة عليكى
رسموا طريق الاستسلام
ليست هناك تعليقات:
إرسال تعليق