لما تلاقى طفل لواحده
شايل هم الدنيا بحالها
ومافيش بسمه تنور خده
وكل هموم العالم شالها
فكر حبة يمكن يطلع
عنده توحد ومانعرفش
لو حسينا بمرضه حاينفع
نرسم بسمه صحيح ع الوش
طب ايه تانى حانلقى معاه
مش مهتم بشكل الناس
زى غريب فى العالم تاه
ولا حطش بحياته اساس
عايش بره الدنيا لواحده
مش مهتم بمين حواليه
كل حاجاته بتفرق عنده
لو فيه غيره حط اديه
بس ضرورى نفهم حالته
نعرف نمشى معاه فى حياته
يصبح وسط حياتنا بحالته
ونطيب بادينا اهاته
ليست هناك تعليقات:
إرسال تعليق