اشتم حتى قبل ما تقرا
اشتم برضه وانت بتقرا
بس يا ريتك قبل ما تشتم
تفهم يمكن تكسب فكرة
انا مش غاوى تعب ومناهدة
وعارف ردك مافيهاش فايدة
لكن ممكن كلمة تغير
فكرة تكون على بالك واردة
انا مابقولش كلام وخلاص
وسط حروفى حاتلقى الفاس
اللى بيزرع خير ومحبة
ويبنى لارض النيل حراس
مصر غريبة ومالهاش زى
حبها جوة القلب الضى
دم كتير مدفوع علشانها
علشان حلم ببكرة الجى
ليست هناك تعليقات:
إرسال تعليق