احنا بنقبل
ليه نتقسم
رغم ان
احنا اكيد اخوات
حتى كلامنا
لو نتكلم
يطلع ليه
نفس النبرات
بس اخوانا
البعدا قالوها
لو نتجمع
نصبح قوة
ولا يقدروا
يوم يتحدوها
وازاى راح
يتحدوا اخوة
اللى
مابينا انا وانت يا عربى
وحدة دم
ولون ولسان
بس ساعات
بنتوه ونخبى
لما بيدخل
بينا شيطان
نفسه يفتت
بينا الوحدة
نبقى بعيد
قوى قوى عن بعض
علشان ولا
نقدر نتحدى
ولا نقدر
على صون الارض
بصوا قوام
تلقوا فلسطين
مادة اديها
اهى وعايزانا
لما الدم
بيسقى الطين
يكبر زرع
الخوف جوانا
تبقى
حالتنا كلام فى كلام
ومافيش فعل
عشان الخوف
ننسى انا
وانتوا حلال وحرام
ونطمس جوة
قلوبنا حروف
يكبر بيها
الديب حوالينا
ويكبر
خوفنا شوية شوية
تزرع غصن
القمح ادينا
ومانلقاش
علشانه المية
ياللا انا
وانت وهو وهى
ياللا نشبك
ايدنا قوام
اصل القوة
تجيب حرية
قوة تخوف
اولاد سام
ولا نبقاش
زى العيان
اللى دواه
فى ادين اعاديه
نبقى ف زمن
القوة غيلان
واللى
نعوزه قوام نلاقيه
ليست هناك تعليقات:
إرسال تعليق