استبيان
هنا محطة كان وكان
راح نسألكم عن ايامكم
واللي حايكسب له فستان
جاهزين
عدت من قدامكم صدفة
طب ولا حتي صلاح الدين
طيب يالا بجد حانسأل
اللي بيسرق ليه بيستهبل
غاصب ارض وعارف نفسه
بس بيعرف امتي يضلل
يالا حانسال مين حايقول
ف اللي بيحصل مين مسئول
يبقي الطفل النايم امين
شايلينه علي سرير مقتول
لاء الدنيا
اوعاك تحسب عالم تانية
دول الناس السيحة ما بينا
وجوة دماغهم اهداف تانية
فاكرة الدرة
والبنتوتة الحلوة السمرا
ولا النخل وهو مضلل
بنحدف طوبة ينزل تمرة
انا مانسيتشي يا فلسطين
وعشانك مهموم وحزين
فاكرة دموع القدس يا غزة
راح تلاقيه وسط الدواوين
بس حقيقي انا حاسس خير
حاسس اني حاشوفك غير
حاسك شابة ف ليلة الحنة
شايفة ف بكرة اكيد تباشير
حاسة فرحها يوم العيد
عايز الكل يتنه سعيد
بكرة استني يا واد حتلاقي
هي عزيزة والواد عيد
ليست هناك تعليقات:
إرسال تعليق