مش حاخاف
اللي عاشقك ياما شاف
واللي ماله اهل فيكي
مالوهش قيمة عشان يخاف
جسمه نحًس م الاهات
غلبها من كتر السكات
واللي يكتم يوم اهاته
يعني عايش باس مات
ياما قولت العيشة موت
قلتي اكتم اي صوت
ماشي ميت جوة مني
مش ناقصني غير تابوت
انتي فين وديتي ناسك
وساكتة علي كل اللى داسك
حتي خللي عيالنا فيكي
جيل يزيد نبض ف حماسك
عيشة مرة ايه الجديد
الادين ماسكة ف حديد
كل هم الناس ف حاجةظ
يبتسم بس الوليد
احنا سبنا الفاس خلاص
مين علينا فاض وداس
ياللي علمتي الحضارة
رايحة تبني بدون اساس
#محمد_وفيق_الشطي
ليست هناك تعليقات:
إرسال تعليق