حبيت العشق معاكي
طب ليه وازاى ماعرفش
ماقصدتش ادوب ف هواكي
ولا حتي يبان ع الوش
وف عز الحزن ضحكت
ماقصدتش ولا فكرت
ولاقتني معاكي سرحت
وحاقولك لاء ماقدرش
@@@@
مانا قافل بابي عليه
ماقدرش خلاص ع الحب
وخلاص غمصت عنيه
وقفلت كمان ع القلب
بس انتي دخلتي ازاى
ورسمتي خطوط للجاى
وسمعت ف صوتك ناى
بينادى الطير للعش
@@##
كان فين العقل وضاع
وساب القلب يسوق
طب يعني ان قلت وداع
راح اعيش والصوت مخنوق
مش قد العشق وناره
مانا ياما شربت مراره
احساس مش عندى قراره
وملكني ازاي ماعرفش
#محمد_وفيق_الشطي
