ودابت عيون الصبا بين البكا والنوح
انوح ماانوحشي مابتفرقشي
مافيه اللي بيفهم واللي مابيفهمشي
خلاص ياناعسة بتبيعي ضفايرك علشان ايوب
ايوب يادوب مش لاقي قوته يادوب
وانتي لساكي ناعسة..واللاالنعاس صبح دوي
قلبي انكوى من اللي هوى
لساكي بتتعلمي فن الكلام
لساكي تايهة في قلب المنام
لساكي عايزة اللي يصحيكي
ويشيل التراب اللي عليكي
لأجل تقومي وتشدي حيلك
واللا انتي خلاص انقطع حيلك
خلاص ياناعسة سلمتي بالمكتوب
مصلوب علي صدرك أنا مصلوب
هو انتي مكتوب لك تعيشي في العسل المر
وتتلعثمي في الكلام وكلامك ما يبقاش حر
ايوب جسده ما عاد ينخر في عضمه الدود
وانتي لساكي بتبيعي ضفايرك للغريب
حقيقي يا ناعسة أمرك عجيب
فين عودك الناشف واللاانكسر عودك
لساكي بايعة ولادك وفاقدة قوتك
او عاكي تبيعي ضفايرك ودليها علي كتافك
واللي يخفيك اليوم هيجي بكرة ويخافك
ويتعمل ليكي ألف ألف حساب
يحميكي. يا ناعسة من كل خاين او كداب
ليست هناك تعليقات:
إرسال تعليق