زمن قاسى

د/ محمد الشطى

ساعات من جوة باتوجع
وفى الظاهر كانى سعيد
واحس بقلبى يتقطع
يفكرنى بانى وحيد
واقوله بجد مش ناسى
بايدى ايه وانا مقصر
اناصنعة زمان قاسى
فى وقت كانش بيفكر
خدعنى بحلوه فى الاول
ودلوقتى ساقينى المر
ووقت المر بيطول
وحتى باحسه مش بيمر
يطول الليل وانا بابكى
واضحك فى النهار بالغصب
ومين يسمعنى لو حاحكى
ومش حايقول كلامى كذب
مانا باضحك ومش باين
بان الضحك من همى
مدام جرحى صبح هاين
وكله هان عليه دمى
مادام دنيانا دنية غش
خلاص ايام وحاتعدى
تغير كل يوم الوش
لحد ماروح انا للحدى