ايوة انا خايف
اه والله بجد انا خايف
ماشى بقالى سنين وياكى
بس تعبت
ليه مش عارف
ليه مابقتش اللمه الحلوة
جامعة الناس بالليل على غنوة
ليه مابقاش حد يقول خير
لما يكب صنية القهوة
ياما انا قلت زمان ونصحتك
قلت اتأنى وامشى براحتك
ووقت ماحد يقولك قولى
واجهى الناس كلها بصراحتك
واجهى وقولى العيب جوانا
بقوا اصحابنا هم عدانا
واتحجرت الدمعه فى عينا
ما بقاش فيه احساس يملانا
وانا بصراحة فاض بى الكيل
كل كلامنا بقى تمثيل
حتى الضحكة جوة الصورة
طالعة معاكى بدم تقيل
انتى سفينة نجم يا حلوة
اللى عشانها كتب الغنوة
واللى اتعذب لجل يقولك
انه فداكى لانك هو
حتى سرور فكراه بكلامه
لما طهق من كتر غرامه
قالها صريحة بكل وقاحة
لما انكشف العيب قدامه
ولا حاقول عن مين او مين
وانتى حبيبة للملايين
بس الصبح بتوعظى فيهم
وبعد الضهر تسبى الدين
حتى كمان انا شاكك فيكى
شوفتى وصلنا لايه باديكى
كله يشم فى بعضه ويشتم
كله بقى بتقفيل امريكى
اه والله بجد انا خايف
ماشى بقالى سنين وياكى
بس تعبت
ليه مش عارف
ليه مابقتش اللمه الحلوة
جامعة الناس بالليل على غنوة
ليه مابقاش حد يقول خير
لما يكب صنية القهوة
ياما انا قلت زمان ونصحتك
قلت اتأنى وامشى براحتك
ووقت ماحد يقولك قولى
واجهى الناس كلها بصراحتك
واجهى وقولى العيب جوانا
بقوا اصحابنا هم عدانا
واتحجرت الدمعه فى عينا
ما بقاش فيه احساس يملانا
وانا بصراحة فاض بى الكيل
كل كلامنا بقى تمثيل
حتى الضحكة جوة الصورة
طالعة معاكى بدم تقيل
انتى سفينة نجم يا حلوة
اللى عشانها كتب الغنوة
واللى اتعذب لجل يقولك
انه فداكى لانك هو
حتى سرور فكراه بكلامه
لما طهق من كتر غرامه
قالها صريحة بكل وقاحة
لما انكشف العيب قدامه
ولا حاقول عن مين او مين
وانتى حبيبة للملايين
بس الصبح بتوعظى فيهم
وبعد الضهر تسبى الدين
حتى كمان انا شاكك فيكى
شوفتى وصلنا لايه باديكى
كله يشم فى بعضه ويشتم
كله بقى بتقفيل امريكى
ليست هناك تعليقات:
إرسال تعليق