محمد الشطى
خبى
عنيكى خلاص
علشان انا عارفك
صعبان عليكى الناس
وبتبكى انا شايفك
مكسوفة م اللى جرا
طيب عملتى ايه
مالقيتش فى اللى انقرا
فيه شىء قدرتى عليه
الدنيا عايشة الفرح
وانا وانتى بنعيط
رغم ان كله انجرح
لكن فهم خطط..
واحنا خلاص التعب
باين على وشوشنا
وحانبقى تامن عجب
لو خوفنا حايحوشنا
احنا اللى مات مننا
شهدا على ارضك
رفضوا هوان ذلنا
رفضوا مرار شهدك
يا ارض لو تنطقى
قوليلها رسيها
فضلتى تتحرقى
عرى ووريها
وريها لما اتحرق
من غدرهم اسفلت
كام الف حلم اتسرق
ويا دوبه كان ع الشط
وغلبت فى اللى انكتب
عن كل اخبارك
الحق اصبح شغب
وخراب صبح دارك
بقى تخبى ايه
وكله انا شايفه
واللى قدرت عليه
اعمل مانيش عارفه
وانى بافكر فيه
عندى كلام محبوس
والدم صار يغلى
نخرف عضمى السوس
وانتى ما بتملى
انا عايز اشوفك مصر
اللى احنا نعرفها
واللى ترابها حر
والكل بيخافها
ليست هناك تعليقات:
إرسال تعليق