الشط ده شطى
والكلمة مرسايا
والحرف ده بخطى
احساسه جوايا
يصرخ يئن بوجع
اصرخ واقول الاه
لا امنت انا بالودع
ولا بالزمان وقساه
تمللى اقول ربنا
قادر يغير حال
حاسس بنار جرحنا
ننده يجيب فى الحال
لا عمره قال لاءة
يا عبد يا عاصى
ولا يسيب زنقة
ولا مرة كان قاسى
نعطى ونتوب يقبل
ويقول سماح وخلاص
نغلط ويتقبل
نرجع نلاقى خلاص
لا عمره رد دعاك
ولا عمره يوم عاتبك
رغم انه ياما دعاك
لكن الشيطان منعك
عليم بحال البشر
خالق لا يخفى عليه
طلع ورود فى الحجر
والكون ده بين اياديه
ليست هناك تعليقات:
إرسال تعليق