هي عمر الكلمة توجع
غير لحاسس بالمعانى
حتى لو بعلاج ماينفع
وانت وجعك شكل تانى
لما تلقى النيل بيبكى
والشجر دبلان ف ارضه
والودان سمعاه بيشكى
تلقى طوله زى عرضه
ينقص النيل يعنى موت
ياللى حاسس بالكلام
مش حايعلا تانى صوت
والكلام حايكون الام
لما يبقى الحلم سد
والحلول مش نافعة فيهم
يبقي يد
جنب يد
تفرض الاحزان عاليهم
مصر يعنى النيل يا عالم
م الفراعنة وهو لينا
يبقى مش حانسيب يا ظالم
اى نفقطة دم فينا
حتى ف الاحلام حاتلقي
صوتنا حايخليه كابوس
دمنا فداه مهما نشقى
ف التاريخ اقرا الدروس
كل عود اخضر ف ارضه
دمنا على طول فداه
والكلام حتلاقي رده
بالايادى مهدماه
حتى لو حنموت حانرضى
واللى جاى ابدا مايعطش
لو فيه قلب بجد يرضى
يبقى ياللا بسرعة يطفش
احنا مش حانسيب بلدنا
بعد نيلنا يبقي صحرا
يعنى مش حانسيب عيالينا
بعد ماتبور ارض خضرا
احنا ميت مليون محارب
دمهم اصبح رخيص
والتاريخ مليان تجارب
واللى يرضى يكون خسيس
#محمد_وفيق_الشطى
ليست هناك تعليقات:
إرسال تعليق