محمد وفيق الشطى
هو فيه للرعب صوت
لجل اعمى يحس بيه
للاسف الرعب موت
وبسكوتنا بنلاقيه
رعبنا اصبح مدينة
حابسة كل حق لينا
والمدينة فى كل ليلة
طافية انوارها وحزينة
خايفة عينها تشوف نهار
فاكراها حل المشكلة
لما حتى الحلم طار
ولسه نفس الاسئلة
لساكى لابسة المريلة
والمشكلة
الكون بيكبر
وانتى تبقى صغيرة
رسموا الخطوط
رغم انتى اصل المسطرة
واتحركوا
ووقفتى قال متسمرة
يبقى نموت
من غير لا صوت
ولا صويط ولا محزنة
عايزين سكوت
خللوا الامور متهونة
ماحنا كنا مرعوبين
والرعب موت
يبقى موت
ليست هناك تعليقات:
إرسال تعليق