منش برواز ومتعلق
علي حيطة حلمك
بحبال ديبا وعود زيفا
مستني روجوع
ولا عمري كنت يوم دمعة
في عيونك
وكل الدنيا بتخونك
تدوس كبرك
غرورك صورة في مريتك
يغنيلك
بصوت مسموع
منش تجاعيد بترسمها
سنين العمر في ملامحك
وتطرحلك
آلم وجوع
منش كلمه تقوليها
وفي نفس اللحظة تنسيها
حروف ضايعه معانيها
تخبيها وتمحيها
ورا قصة غرام ممنوع
منش قلمك المكسور
بنزف حبر في سطورك
بيرسم خوفه في عيونك
حنين ودموع
منش قمرك في ليل فجرك
ضلام ليلك غروب شمسك
بيغزل للحنين شطك
خيوط وشموع
منش درويش في شوق عشقك
بغنيلك
وبغزل لحن مواويلك
وأموت من الجوع
منش قصة ولي حكايه
في عمرك مرة عشتيها
خطاوي تايه في حياتك
سنين مخدوع
منش ذكري ولا فكري
ولابكري هنتلاقي
هتبعد عنا خطاوين
طريق بعدك مفهشي رجوع
منش لعبة ولي دميه
ولي تتوه علي دراعك
وخصلت شعر معوجه
وفاتورة رصيد مدفوع
منش شايفك ولي حاسك
ولي سامع حنين صوتك
كانك توهتي في ملامحك
معتشي خضوع
كلمات الصدق
فارس الليل الحزين
محمد عطية محمد
30/3/2022
ليست هناك تعليقات:
إرسال تعليق