ف عز الليل واحزانه
يتوه م المعنى عنوانه
وف الاخر انا وانتى
وتاه م الشعب وجدانه
يا ليل اشهد بقالى كتير
بالف معاها ف المشاوير
وتنده اجري علشانها
وجوايا بشاير خير
ياليل فكرها بامبارح
رسمنا الارض خير طارح
وفجأة ابص حواليه
يتوة بكرة مع امبارح
انا شايل غيطانك شيل
وده حمي لوقت طويل
وياما قلت ماسمعتيش
عكستيها وقول يا ليل
انا باضحك لكن بابكى
بكايا على السطر يحكي
والو نفسي واقول اصبر
مسيرها تحت وتزكي
بتبكى ليه ما تستنى
يا فاكرة عيشتي متهني
انا المهضوم على ترابك
وفقرى بكرة يقتلنى
وهو انتى حيطان وبيوت
يا سايبة الحلم لما يموت
ابوس كل الحيطان فيكى
بس تخللى حلمي يفوت
حلمى مش فلوس وحيطان
ده حلمى انى اشم ريحان
والاقى شجرك المروى
لوحة بين ادين فنان
لاهو كتير انى اقول نفسى
تحنى بعد ما تقسى
واشوف الدنيا شغالة
مافيش عطلان ولا منسي
يا كاتبة كتير تاريخ غيرك
وناشرة فى الفيطان طيرك
تلمي الطير على عشه
يطرح ف الغيطان خيرك
#محمد_وفيق_الشطى
#الشطى
ليست هناك تعليقات:
إرسال تعليق