مابقتش قادر انى اعافر تانى فيكى
وقعت سنانى وف مكانى ابوس اديكى
يا تفهمينى يا تسبينى اعيش ناسيكى
ماهو الكلام لو اتقرا كان اتفهم
وتبقى ظالمة لما تاخدى كله ليكى
طب اسالى حتى السنين كام العدد
حتلاقيكى شعرى كله شاب م العشق فيكى
انا ملكشى حتى كلامى
ده كله همس جوهودانى
اجرى بسرعة وامسك قلمى
القى كلامه كله امانى
انا ماخترتش حتى الشعر
وقلبى اللى مدوقنى المر
حبك حتى ماخترتوش
ولا حاختار من تانى القهر
ماعرفش اكتب شىء مش حاسه
لازم قلبى اسمع حسه
علشان قلمى يقوم ويغازل
كل معانى الدنيا بحسه
ماجدى وصى قال انتى
وابويا قالى ان انتى
وف الاخر انا وانتى
مابينا الف سد منيع
باقول بكلامى ان انتى
واسمك فوق سمار بنتى
لا بعت ف يوم ولا هونتى
وفى الاخر معانى تضيع
واخاف منكساعات واحتار
واقول حاتضيع مع الافكر
وانا اللى مشيته ف المشوار
يا دوب كام كلمة فى المواضيع
#محمد_وفيق_الشطي
#الشطي
ليست هناك تعليقات:
إرسال تعليق