عمر دموع العين ما تتوب
طول ماهي شايفة الدم ف ارضك
رغم سكوتنا ده كله ذنوب
بس املنا في ربي وربك
ربنا عالم بالاحوال
مش حانخون العهد محال
علي ارضك طالبين الموت
دمي فداكي لو حايحرر
ارض القدس الصافية الطاهرة
عمر ما شىء في الكون حايغير
حبنا ليكي ده شئ بالفطرة
ايوة انا اسف عارف ذنبي
اني يا دوب باكتب ف كلام
بس انا نفسي ويشهد ربي
اننا نصحي واكون قدام
قدام جيش من كل بلادنا
نتوحد علي نصرة قدسك
ربنا قادر حايوحدنا
بعد ما نفهم اخرة دارسك
بس لو اتاخرت عليكي
يبقي اكيد انا متت خلاص
فيه جيل بعدى حاينجيكي
تمشي الناس وتجيلك ناسك
مهما يطول العمر حاتيجي
رافعين علمك يا فلسطين
كل الوطن العربي حاييجي
لجل نسدد ليكي الدين
لجل نقول اسفين لشهيدك
احنا يا فارس خدنا بتارك
ونسيب ارضك لجل وليدك
حايعيش حر ويحمى ديارك
بالحرية نسد الدين
احنا ولادك يا فلسطين
كل الوطن العربي معاكي
يرجع تاني صلاح الدين
ليست هناك تعليقات:
إرسال تعليق