محمد الشطي
غلبت احسب
كتير
وتعبت جمع وطرح
وكان فى بالى الخير
يقلب غلطنا لصح
لكن لقيت الكل
فرحان قوى بالشر
يا مصر ياه ع الذل
شهدك بيصبح مر
وتاه كلامى خلاص
مابقتش ليه حاسه
مات
فينا ليه الاحساس
والكل صار دايسه
ياما حاولت اكرهك
من خيبتى حبيتك
رغم انى لما اندهك
واقول خرب بيتك
القى فى سكوتك الم
ووحدى انا حاسه
ويفيد بايه الندم
وهوالالم نفسه
عايش بقاله سنين
وماشافش منك رد
مساكين يا مصريين
طريقكوا اصبح سد
وانا لا طالب جاه
ولا فلوس ولا شىء
بس اما اقول الاه
احس انى برىء
احس انى فى بلد
عارفه ان انا فداها
ومهما جلدى انجلد
انا برضه باهواها
ليست هناك تعليقات:
إرسال تعليق