محمد الشطي
اول عيد بيعدى عليه
وانا مش عارف اقابله ازاى
لو كان دمعى بيملى عنية
وماعنديش احلام للجاى
اول مرة ماحسش فرحة
بس احس انك وحشانى
لما تكونى جاية ورايحة
ضحك فى اول يوم والنانى
تفتحى حضنك وتضمينا
ننسى قساوة الدنيا بحالها
حاسة وجعنا كمان قبلينا
شايله فى قلبك دنيا بحالها
سامع صوتك من حوالية
لما فى يوم العيد يندهنى
ولما تضم اديكى ادية
كل الدنيا مش بتساعنى
بس خلاص راح منى حنانك
وانا مش عارف اعمل ايه
ومافيش حد بيملا مكانك
ووقت الشدة كمان الاقيه
مابقاش حد بيسال عنى
شوفتى ازاى من بعدك حالى
بعدك عنى شىء يوجعنى
ياريتنى افديكى بكل الغالى
اه لو عمرى يضيع وافديكى
بس تعيشى لكل حبايبك
ياللى همومى شالتها اديكى
مش بارادتى ان انا سايك
بس حقيقى العيد يا حبيبتى
عدى عليه دموع فى دموع
غصبن عنى خلاص يا حبيبتى
بس القلب كمان موجوع
رحمة ونور والفاتحة لروحك
ياللى مليتى حياتنا سعادة
لحد ماروحى تقابل روحك
لسه انا حابكى دموع بزيادة
ليست هناك تعليقات:
إرسال تعليق