محمد الشطي
راجع تانى باقولك خايف
زى ما قولت زمان لو فاكرة
قلبى بحبك اصبح شايف
ايه اللى حايحصل عندك بكرة
خايف قوى من ناس مجانين
ليغرقوا اراضيكى بدم
ناس بيتاجروا باسم الدين
عيشنا معاهم هم فى هم
واحنا اخوات واصحاب وحبايب
ليه يخلونا نعيش فى عداوة
فوقوا قوام مش ناقصة مصايب
ولا عاد فاضل فيها غباوة
وصلت نقتل بعض وعادى
ونقول انه اصول وجهاد
خلوا عقولكم رايحه فى وادى
فاكرين قال انه استشهاد
فكر بقى بدماغك مرة
وانسى السمع كمان والطاعة
احنا ايامنا صبحت مرة
يوم ما رضينا بحكم جماعة
ليست هناك تعليقات:
إرسال تعليق