نداء استغاثة إلى السيد مدير عام التموين بشمال سيناء .
النهاردة روحت أشترى عيش أسمر حُر من الفرن اللي خلف موقف سيارات الأقاليم الجديد بالعريش في أول عزبة عاطف السادات ، ولما بصيت للعيش وشوفت شكله المزري والسئ وبقول لصاحب الفرن العيش وحش حضرتك مينفعش كده فرد عليا بكل بجاحة ووقاحة وقاللي هو ده الموجود ولو مش عاجبك متاخدش فقلت له ما تعملوا وتخبزو العيش كويس فقال هو ده المتاح والموجود لو مش عايزاه فيه غيرك ياخدوا .
بالله عليك ده منظر وشكل عيش يتقدم للناس ؟
والله لو حيوانات ما هاتكلوا حرام كده .
ياربت معاليك تدخل في الموضوع وتشوف رداءة صنع الرغيف عامل ازاي ، وده طبعا مش اول مرة كذا مرة آخده واشتريه من المخبز ده ،ويمكن الوضع ده في كذا فرن هنا في العريش ، فده ميرضيش ربنا والله .
ده نداء لحضرتك وللسيد الوزير محافظ شمال سيناء لعله يتدخل بنفسه ويشوف المهزلة وصلت لفين ولاي مدى من الاستهتار واللامبالاة .
وحسبي الله ونعم الوكيل .
إيمان محمد زيادة
ليست هناك تعليقات:
إرسال تعليق