محمد الشطي
انا
عارف ماليش غيرك
ومهما
بتقسى حاتحمل
ولا
بانكرش يوم خيرك
برغم
القسوة بتطول
انا
اتعلمت باديكى
وشوفت
حروفى ف كتابك
وياما
كتبت أغنيكى
وانتى
بتكوى بعذابك
واقولك
ايه اكيد عارفة
ألمى
كله علشانك
أكيد
لامسة أكيد شايفة
قولى
أيوة بلسانك
بتقسى
وكنت أقول أمى
وأقول
مش قاصدة ماعلشى
وحتى
لما سال دمى
قلت
أكيد ماتعرفشى
واتارى
كلامى كان اوهام
وصدمة
عمرى كنتى إنتى
قتلت
فى حلقى أى كلام
وشوفتى
دموعى وسكتى
طب
أتكلم وأقولك إيه
ماطول
عمرك بتتهانى
وتوهت
ف قلب مليون ليه
وكبر
الصدمة خلانى
أرجع
ف التاريخ صورتك
وأقرا
الحزن فى سطوره
معقولة
هى دى سيرتك
وتوهت
بجد فى بحوره
رجعت
أسال وأقول إزاى
نجوع
فيكى يا أرض النيل
بتدينا
سيجارة وشاى
ونسهر
فيكى طول الليل
ماعدش
الفاس بيعزق طين
ولا
عاد زرع بيخضر
وفلاحك
صبح مسكين
ما
ساب فاسه وأهو إتحضر
وانا
مليت خلاص وتعبت
ونفسى
بجد اسيب حرفى
وبحلفلك
بجد زهقت
ونفسى
تقولى أو تنفى
انا
حاسكت خلاص واخرس
وصوتى
كمان ماهوش طالع
مافيش
فى الدنيا شىء أشرس
من
اللى يجوع عشان خاضع
#محمد_وفيق_الشطى
ليست هناك تعليقات:
إرسال تعليق