محمد الشطي
انا مروح
ماعدتش قادر اتطوح
مالقيتش الحياة تنفع
فهامشى قبل ما اتسوح
انا مروح
ياه
لو سمعت كلامى ف يوم
ونصحي لما كنت انصح
خلاص يا حبايبي فات الوقت
دمرنا الحياة بالسحت
وضاع م الدنيا معانيها
والعمر كانة متمرجح
فانا مروح
ولو صادفك كلامى ف يوم
اقرا واعرف المحتوم
ماهو احنا لو قرينا زمان
كنا عرفنا عيب الشوم
انا قلمى يا دوب ممسوك
ورعشة ايدى تعبانى
تعالى قوله ليه قصفوك
وابرى ينقصف تانى
فاسيبنى لواحدى انا مروح
انا دلوقتى عايز اموت
وانا ساكت ومن غير صوت
وبادعي ولادى تتعلم
ان اقلامهم اعظم صوت
امانة تفهموا عيلتى
ولا ورايا ولا حيلتى
انا سايب يا دوب اشعار
على ورقة ودى قيمتى
بس الورقة لو ضاعت
يبقي كلامى كان صامت
عشان ماحدش استنى
وقبل ما يرمى يقرا الصوت
يقرا من كلامى كلام
ومن قلبى ماهوش افلام
يا ريتنى قادر انساها
وامحي صورتها م الاحلام
واقوم على قلمي واحكيلها
وسيبك م اللي طبلها
فوقي لكله يتسوح
وانا مروح
#محمد_وفيق_الشطي
#الشطى
ليست هناك تعليقات:
إرسال تعليق