محمد الشطى
حاسيب
خلاص القلم
واكتم كمان صوتى
وكل حلم اتحلم
حايموت مع موتى
ماشيين خلاص بتابوت
مستنيين الغدر
سهل ان كله يموت
طالما صدر الامر
والقتله شىء مجهول
مين اللى يعرفهم
لو بلطجى او صول
مين اللى حايشوفهم
ضربوا الولاد كلهم
وقالولنا مش عارفين
مين ع الولاد دلهم
لازم اكيدقابضين
واللهو اصبح خفى
طب حد يعرف مين
والشعب كله حفى
وقال يا بنى ادمين
حرام يموتوا شباب
طالبين سلام وامان
صبحوا صور فى كتاب
عنوانه كان بستان
بستان وورده اتقتل
وحمينا قاتلينه
كام الف شاب اتحمل
والقتله شايفينه
والروح بقت سهله
بكام جنيه تتباع
ومافيش كمان مهلة
ولا حتى فيه اوجاع
عجيبة على امرهم
نسيوا خلاص ربنا
بكرة الحساب عندهم
حايقولوا ايه علينا
حايقولوا خونا الوطن
وقتلنا اولاده
وكل جسم اندفن
له حق فى ميعاده
القبر بكرة يكون
فى حفرة متر فى متر
والقاضى رب الكون
عالم بكل الشر
بكرة يشيل العار
من اهله جيل ورا جيل
ويبقى التاريخ محتار
فى وصف كل عويل
طب ياللى بعتوا البلد
وقتلتوا كل الناس
واللى ما مات انجلد
وقتلته فيه الاحساس
ربك عليم بالحال
وادى الحساب قرب
حاول تخللى المال
ينفع وتتهرب
ليست هناك تعليقات:
إرسال تعليق