افهم صيام

اللى يفهم ان رمضان ... بس حرمان يبقى عايب
قوم يسليه نوم وغيره ... عشان يعدى يبقى خايب
ياابنى رمضان جاي يصلح ... جوا نفسك تبقى صايب
صحتك تصبح سليمة... يبقى ليك م العافية نايب
...................
فيه ونس انس ومحبة ... رقة تسكن جوا قلبك
تمشى على سنة حبيبك ... والصيام تقاسيه لربك
طول نهارك عن حلالك ... صمت تقدر تلغى ذنبك
ربك الغالي فرضلك ... صوم عشان عبده وحبك
....................
عيش فى رمضان العبادة ... تتولد بالصوم ولادة
تبقي متحكم فى نفسك ... قوم تدوق طعم السعادة
الضمير بالصوم بيصحى ... يمنحك صبر وإرادة
بابك الريان فى جنة ... والصيام اكبر شهادة

حسن رمضان ـ كبير باحثين بالوعظ بالأزهر الشريف