الاستاذ الدكتور على النبوى وعمالة الاطفال

مناظرة حول النقاب دكتور على النبوى

مع السلامة يا امى

مع السلامة خلاص يامه
وبادعى ربنا بالرحمة
وشكل دنيتى بعديكى
راح يبقى بين عتمه وضلمة
خلاص بايدى غطيتك
ولحد قبرك وديتك
ونزلت قبرك قبليكى
ورجعت وحدى على بيتك
ماعلش يامه وسامحينى
دموعى نزلت من عينى
ماهى فرقتك صعبة عليه
يا حضن كان بيدفينى
يا ربى والله انا راضى
وحاجى بعدها فى ميعادى
لكن السنين لما بتمشى
جوانا عايش فى الماضى
يا شمس يا حاسة بجرحى
يا منورة لى طريق صبحى
يا حاسة بيه وفهمانى
للذكرى مش ممكن امحى
يا شمس نزلت على ايدى
ودمها جوة وريدى
وسيبتها وطلعت لفوق
باقول لعينى ابكى وزيدى
مش حاتشوفيها خلاص تانى
والمرة دى البعد انانى
حاستنى ربى يندهنى
وعندها يبقى مكانى
اسالكم الفاتحة لروحها
وادعولها الجنة تروحها
يا رب مايصيبكوش مكروه
م الدنيا ولا كل جروحها
ماتت وسيبانا فى غابة
والناس ديابة فى ديابة
يا حسرة على مصر بلدنا
ويا خوفى على اى غلابة
يا رب رحمة ونور ليها
والجنة تبقى اراضيها
واقابلها واخدها فى حضنى
لما القبور انزل فيها
يا حاجة فاكرك مش حانسى
فاكر كلامك بالهمسة
يا اغلى حاجة فى الدنيا
مش حانسى يامه ولو لحظة
#محمد_وفيق_الشطى

اتسرقت !!!!!

هى الثورة بجد اتسرقت
ولا انا باحلم ولا ده ايه
انا مش حاسس انها فرقت
ضلمة فى ضلمة اللى انا بالاقيه
حسبة بمليون حسبة برمة
وكله حاسبها غير التانى
قصة لو عملوها فى سينما
تطلع فيلم فى ست ثوانى
مات مننا كام الف شهيد
علشان نصبح بنى ادمين

ويوم الوقفة وقبل العيد
سابوا الناس كلها نايمين
عطلت كل ادين شغالة
مابقاش فيه غير الاحلام
بصوا حالتنا صبحت حالة
بادعى تكون كلها اوهام
مليون فكر بنسمع فيهم
اشى اخوانى وسلفى ووسطى
والمشكلة كارهين بعضيهم
حاجة بجد حاتقسم وسطى
شتموا نجيب محفوظ وكلامه
بقى رواياته فجور ودعارة
وعشان كده نوبل قدامه
لما شتم فى ولاد الحارة
والمشكلة تمثال رمسيس
ده حانعتبره من الاصنام؟
متهيالى انها كوابيس
مش موجودة فى الاسلام
ماسمعناش عبدة رمسيس
ولا تحتمس ولا كليوباترا
حاسس انى باقول تهييس
وشايف كلها صبحت حمرة
انا والله تعبت خلاص
كل كلامى كلام فى كلام
حمل وشايله فوق الراس
واللى املكه اوراق واقلام
نفسى اشوفها بجد بهية
لافة الطرحة الخضرة عليها
مش عايزينها يا دوب اغنيه
نرقص ولا فاهمين معانيها
اسالوا عم صلاح وحروفه
رباعياته او اغانية
ياما حذرها زمان من خوفه
وكانوا يجيبوا الحق عليه
حتى كمان عم الابنودى
قالها فصول وعيال ع الارض
فاطمة حراجى جالك عودى
عودى قوام يتوصل الود
لسة كتير جوايا وكاتم
بس كفاية نفهم دول
مصر ماهياش ابدا خاتم
نلبسه او نقلعه على طول

#محمد_وفيق_الشطى

مِن طرفٍ واحدٍ

رافع آدم الهاشميّ

كانت في مُقتبل العُمر، ذات وجه حَسن جميل..

مَا أَن وقعَت عيناهُ عليها حتَّى شغفَ قلبُهُ بهَا حُبَّاً..

تمنّى:

- أَن يأَخذها بينَ ذراعيه..

- أَن يمتصَّ رحيق الوردة الفتيَّة الساكنة في أَعماقها..

- أَن يمشي بعرباتهِ على أَرضها النديَّة الطاهرة.

تقدَّم إِليها ببطءٍ وَ حذر شديدين، اِزدادَ بهَا ولعاً وَ وجداً، وَ اِزدادَ هيامُهُ بهَا، شعرَ أَنــَّهُ يقف لوحده في صحراء قاحلة جرداء ليسَ فيها سواه وَ محبوبته؛ لذا بلعَ ريقَهُ، فأَحسَّ بالعطشِ الشديدِ..

تقدَّم خطوة أُخرى..

وَ أُخرى..

أَصبحَ على مقربةٍ منهَا..

كانت هِيَ ساكنة لا تتحرّك، وَ لَم تبالِ بهِ، حتَّى أَنــَّها لَم تحرّك لَهُ أَيَّ رمش..!!

إِنــَّهُ حُبٌّ مِن طرفٍ واحدٍ..!!

لقَد أَحبَّها، أَمَّا هِيَ..؟!

أَوسعَ خُطاهُ فأَصبحَ أَمامها مباشرةً..

مَدَّ يدَهُ إِليها وَ مرَّرَ أَناملَهُ على شفتيهَا الورديّتين فارتسمَت اِبتسامَةٌ باهتةٌ فوقَ شفتيه..

لقَد كانت أَجمل لوحة رسمها بريشته حتَّى الآن.

منه عرفه تتألق بإطلاله ملائكية بتوقيع سماح القاسم

كتبت/ولاء مصطفي

تألقت الفنانة "منة عرفة" في جلسة تصوير جديدة بإطلالة عصرية وملائكية و مختلفة وهي ترتدي فستان الزفاف بتوقيع مصممة الأزياء المعروفة "سماح القاسم" وتأتي هذه الإطلالة بشكل وستايل مختلف في التصميم .

يحتوي الفستان علي لمسة سحرية وجذابة في الشكل والتصميم لما يحتوي علي لون مميز كالأوف وايت وتطريز سيلڤر والهاند ميد المطرز علي دانتيل مفعم بالحيوية والطاقة كما يحتوي الفستان علي ٣ أمتار تول وذيل فرنساوي.

حابكيكى

انا اسف حابكيكى
كلامى مش حايرضيكى
كلام الصدق لو يوجع
اطبة كتير تداويكى
عشان خاطرك سكت كتير
وجرحك لسه وجعه كبير
ولكن قولت حاتحمل
ولا حيلتى غير التفكير
كتبت زمان انا خايف
وكنت بعينى انا شايف
وقلت بقلبى حسينى
علشان مانطقش بشفايف
صعبتى عليه قلت ارجع
وايه يعنى الجراح توجع
علشان بكرة يكون اجمل
حاصبر مهما حاتوجع
وقلت اكيد انا مجنون
مافيه على الارض كام مليون
اكيد عايشين ومش فارقة
عشان القرش كله يهون
قولى بجد مين صاحبك
ومين من قلبه بيحبك
وصان العشرة والايام
وراعى فى عشرته ربك
#محمد_وفيق_الشطى