محمد الشطى
يوم ما اموت
قولوا لولادى
انى مت علشان
قضية
كان كلامى فيها
زادى
وكنت اشوفها هى
هى
وماتحزنوش علشان
فلوس
وانى سيبت كلام
مكانها
ما الفلوس بتبقى
سوس
تنخر حياتنا من
بيبانها
بس كان نفسى بهية
اللى ياما حلمت
بيها
ام طرحة وجلابية
وعم نجم قال
عليها
كنت باكتب من
ضميرى
وكل حرف باراعى
ربى
ماتهاونتش زى
غيرى
وسيبت قلمى يحكى
كدبى
مصر عايزة حد
غيرنا
حد حابب لون
سمارها
اصل احنا اتقل
خيرنا
والخيانة بقت
نهارنا
بس طول مانا لسة
عايش
مش حابيعك صدقينى
مهما كان القش
هايش
لما اشيله قوام
سبينى
عايز اكشف لون
وشوش
ليها يمكن الف
لون
وقت شوفها تقول
وحوش
مش حاقول سين ولا
نون
بس عايز لما اموت
القى فيكى قلوب
كتير
قادرة فيها اعلى
صوت
شايله بين
جوانحها خير
ليست هناك تعليقات:
إرسال تعليق